നാവാഗതനായ ഉമ്മര്‍ കരിക്കാട് സംവിധാനം ചെയ്യുന്ന ‘ബോംബെ മിട്ടായി’ ഗുരുവായൂരില്‍ ചിത്രീകരണം ആരംഭിച്ചു.  ഈ ചിത്രത്തില്‍ വിനു മോഹനും, ഹരിശ്രീ അശോകനും പ്രധാന കഥാപാത്രങ്ങളെ അവതരിപ്പിക്കുന്നു.  പ്രശസ്ത ഹിന്ദി നടി, ദിമ്പില്‍ കപാഡിയ  ഈ ചിത്രത്തില്‍ ശ്രദ്ധേയമായ കഥാപാത്രത്തെ അവതരിപ്പിക്കുന്നു.  ശ്രീലങ്കന്‍ പെണ്‍കൊടി നീലാംബരി പെരുമാള്‍ ആണ് ഈ ചിത്രത്തിലെ നായിക.  ജഗതി ശ്രീകുമാര്‍, സുരാജ് വെഞ്ഞാരമൂട്, സലിം കുമാര്‍, കോട്ടയം നസീര്‍, ഭീമന്‍ രഘു, കലാശാല ബാബു, മാമൂക്കോയ, കൊച്ചു പ്രേമന്‍, ശിവജി ഗുരുവായൂര്‍, നാരായന്കുട്ടി, കലാരഞ്ഞിനി, ഷര്‍മിള, ദാര്‍ശന, എന്നിവരും ഈ ചിത്രത്തിലെ അഭിനെതാകലാണ്.  ചായാഗ്രഹണം ലോക നാഥന്‍, തിരക്കഥ നിസാം റാവുത്തര്‍, ഗാനരചന റഫീക്ക് അഹമ്മദ്, മുകേഷ് ലാല്‍, സംഗീതം പാരിസ് ചന്ദ്രന്‍.

വിജയ്‌ യേശുദാസ് ആദ്യമായി വെള്ളിത്തിരയില്‍ എത്തുന്ന സിനിമയാണ് ‘അവന്‍’.  ഇതിന്റെ ചിത്രീകരണം തിരുവനന്തപുരത്ത് പുരോഗമിക്കുന്നു.  ഈ ചിത്രത്തിലെ നായകനായി ബാലയും നായിക ആയി മുക്തയും വേഷമിടുന്നു.  ‘യുഗപുരുഷന്’ ശേഷം തളി വാസല്‍ വിജയ്‌ അഭിനയിക്കുന്ന ചിത്രമാണ് ‘അവന്‍.’  സംവിധാനം നന്ദകുമാര്‍ കാവില്‍.  കഥ തിരക്കഥ സംഭാഷണം സുമോദ്, ഗോപു.  നിര്‍മാണം എം.ജി. സൂര്യ നാരായണന്‍.  ഈ ചിത്രത്തിലെ ഏഴു ഗാനങ്ങളുടെ രചന ഓ.എസ്. ഉണ്ണികൃഷ്ണന്‍. സംഗീതം രാജാമണി, രമേശ്‌ നാരായണന്‍, അനില്‍ ഗോപാലന്‍ എന്നിവര്‍ ചേര്‍ന്ന് നിര്‍വഹിക്കുന്നു.  ജഗദീഷ്, ദേവന്‍, വിജയ രാഘവന്‍, റിസ ബാവ, ഇന്ദ്രന്‍സ്, കോട്ടയം നസീര്‍, മേഘനാതന്‍, രെമാദേവി,  ബിന്ദു നേമം എന്നിവാരും ഈ ചിത്രത്തില്‍ വേഷമിടുന്നു.